2024 թ դեկտեմբերի 12-ին Երևանում   տեղի է ունեցել   Եվրասիական տնտեսական հանձնաժողովի՝ ֆինանսական շուկաների խորհրդատվական կոմիտեին կից՝ ԵԱՏՄ տարածքում բանկային ավանդների (դեպոզիտների) ապահովագրության (երաշխավորման), լիկվիդացման, ֆինանսական առողջացման և վարկային կազմակերպությունների սնանկացման  ոլորտում   ներդաշնակեցման հարցերով Փորձագիտական խմբի հերթական նիստը, որը կազմակերպվել է  Ավանդների հատուցումը երաշխավորող հիմնադրամի կողմից։ 

      Փորձագիտական խմբի հերթական նիստի շրջանակում քննարկվել են  արդեն իսկ դիտարկված հետևյալ հարցերը․ 

• «Ավանդների ապահովագրման (երաշխավորման) համակարգի անդամ բանկերի կողմից վճարվող երաշխիքային վճարների չափը նվազեցնելու և (կամ) վճարումները դադարեցնելու հնարավորությունները». 

• «Երաշխիքային վճարների հաշվարկման մոտեցումները ԵԱՏՄ անդամ երկրներում». 

• ԵԱՏՄ անդամ երկրների ավանդների ապահովագրման համակարգերի հետ կապված «Տերմինների բառարան (տեղեկատու)». 

     Բացի այդ, ՌԴ Ավանդների ապահովագրման գործակալության  ներկայացուցիչների կողմից ներկայացվել է Ավանդների հատուցման առցանց վճարման իրենց փորձը, ինչպես նաև քննարկվել և հաստատվել է Փորձագիտական խմբի 2025թ․ աշխատանքային ծրագիրը։